Zjarëfikësit po mundohen të vënë nën kontroll zjarrin.
Mbrëmë në mesnatë banorët e strehimores Çiçino ky zjarr i la pa gjumë.
Nga zjarri i madh u dogjën tre baraka. Sot kishin mbetur vetëm muret e barakave, ndërsa u dëmtuan edhe tre makina që ishin afër.
Drejtoresha Natasha Stanojeviç thotë se në ato dy objekte nuk ka pasur banues, ndërsa për siguri janë larguar nga Çiçino 16 persona.
“Janë zhvendosur 16 persona, mbahej llogari nëse janë me familje apo janë vetëm për atje ku i kemi vendosur. I kemi vendosur në objekt në të cilin është nën kompetencat e Ministrisë së Punës dhe Politikës sociale.
Dhe përsëri të jenë si familje, jemi kujdesur që në një dhomë të jenë të gjinisë së njëjtë, disa prej tyre edhe njihen meqenëse prej kohësh jetojnë në Çiçino”, theksoi drejtoresha e strehimores “Çiçino”, Natasha Stanojeviç.
Mbrëmë në mesnatë erdhe edhe ministri teknik i Punës dhe Politikës Sociale, drejtoresha e strehimores si dhe kryetari i Komunës së Sarajit.
Kryetari i Sarajit tha që nga kjo fatëkeqësi është edhe një e mirë që nuk ka dëme në njerëz por vetëm dëme materiale.
“Me rëndësi është që nuk ka pasoja në njerëz, njëra prej barakave që realisht është edhe e vjetër zjarri e ka kapluar, me siguri organet kompetente do të gjejnë arsyen se si ka ardhur deri tek zjarri fatmirësisht nuk ka dëme në njerëz mendoj se institucionet do të sanojnë situatën”, deklaroi Blerim Bexheti, kryetar i Komunës së Sarajit.
Nga Ministria e Punëve të Brendshme njoftojnë se janë djegur tre baraka ku ishin të pa banueshme ndërsa thonë se hetimi për të gjetur se si u shkaktua zjarri do të vazhdojnë edhe gjatë ditës së sotme.