U mblodhën për të folur për ekonomi, por as ambasadorja e amerikane Kejt Meri Bërns e as ajo e Gjermanisë, Anke Holshtajn, në Forumin e Parë Ekonomik në Shkup nuk harruan që pa përmendur zhgënjimin që Maqedonia e Veriut nuk arriti të marrë datë për nisje të bisedimeve. Ambasadorja gjermane u shpreh se shteti i saj mbetet mbështetës i madh i integrimit të Maqedonisë dhe do të punojnë që kjo të ndodhë. Anëtarësimi i Ballkanit Perëndimor në BE është vizion i përbashkët dhe interes gjeostrategjik, andaj Gjermani mbetet e përkushtuar në këtë qëllim.
“Prioritete të qeveri patjetër duhet të jenë reformat kredibile, ndërsa Bashkimi Evropian duhet të qëndrojë në angazhimet e saj. Qasja, ne përmbushim, ju përmbushni, duhet të vlejë. Është e rëndësishme që bisedimet aderuese me Maqedoninë e veriut dhe Shqipërinë në nisin sa më shpejtë që është e mundur. Kryesimi portugez bëri gjithçka, por siç duhet, kryesimi slloven duhet të ndërmarrë”, theksoi Anke Holshtajn – Ambasadore e Gjermanisë në RMV.
Ambasadorja e Shteteve të Bashkuara, Kejt Meri Bërns, tha se Maqedonia e Veriut i përket Bashkimit Evropian, ndërsa theksoi se duhet vazhduar në fushat si sundimi i ligjit, lufta kundër korrupsionit dhe infrastruktura.
“Jemi të zhgënjyer që shtetet anëtare të BE-së nuk ishin në gjendje për miratimin e kornizës negociuese të Maqedonisë së Veriut në takimin e djeshëm të Këshillit për çështje të Përgjithshme. Nuk ka dyshim Maqedonia e Veriut ka bërë punët e nevojshme për të nisur bisedimet aderuese dhe kjo është një gjë që na bën të besojmë se do ta rrisë stabilitetin rajonal, do të avancojë lidhjet politike-ekonomike me Evropën dhe do të ndihmojë marrëdhëniet transatlantike”, deklaroi Kejt Meri Bërns – Ambasadore e SHBA-ve në Maqedoninë e Veriut.
Për shkak të kontesteve historike-gjuhësore, Bullgaria e konfirmoi bllokadën e saj ndaj Maqedonisë së Veriut. Pas takimit të Ministrave të Jashtëm në Këshillin për Punë të Përgjithshme, Sekretarja e Portugalisë për Çështje Evropiane, Ana Paula Zakarias, konfirmoi se në takim nuk është arritur marrëveshje për kornizën negociuese për Maqedoninë e Veriut dhe Shqipërinë. Tha se përpjekjet do të vazhdohen në kryesimin slloven, duke u bazuar në propozimin që kryesimi portugez e ka vendosur në tavolinë.