Kryeministri Zoran Zaev deklaroi se i kupton reagimet në rrjetet sociale pas intervistës së tij të dhënë për agjencinë bullgare BGNES, por thotë se e kaluara historike nuk duhet të na kufizojë në gjurmimin e rrugës drejt së ardhmes evropiane.
“I kuptoj reagimet e tilla, por liderët duhet ta udhëheqin shtetin përpara dhe ta bëjnë hapin e parë. Tërësisht e kuptoj ndjenjën e cila shpërndahet në rrjetet sociale, por të njëjtat bashkëqytetarët ndajnë histori të njëjtë si e imja. Lufta antifashiste është pjesë edhe e familjes sime, një pjesë e qytetit në të cilën jetoj, por ajo është e kaluar historike dhe nuk duhet të na kufizojë në trasimin e rrugës drejt të ardhmes sonë evropiane”, deklaroi Zaev, duke u përgjigjur në pyetjen e gazetarëve.
Thotë se nuk mundet gjithë Bullgaria të kualifikohet si fashiste sepse në atë kohë populli në Bullgari nuk është pyetur.
“Bullgaria në vitin 1941 është ndalur në anën e Paktit të përhershëm të fashizmit. Në ato momente askush nuk i pyeti bullgarët për referendumin se ç’farë është përcaktimi i tyre që të mundemi gjithë Bullgarinë ta kualifikojmë si fashiste. Edhe në Maqedoninë tonë kishte bashkëpunëtorë të fashistëve, ligjërues vendor. Evropa i zgjidhi çështjet në mënyrë evropiane, koha është edhe Ballkani t’i zgjidh çështjet në mënyrë evropiane. Të falim por mos të harojmë. Okupimi nga ana e fashizmit ka qenë i pranishëm gjithkund nëpër Evropë dhe në mbarë botën dhe kjo nuk është arsye për të thënë se një komb i tërë është okupator, për atë them administrata, sepse udhëheqësia e atëhershme e Bullgarisë është përfshirë në paktin e përhershëm. Por, sot të flisni për Bullgarinë fashiste ose Gjermaninë fashiste, ajo nuk është pikpamje drejt së ardhmes. Pyetja është nëse i shfrytëzojmë fjalët e vërteta për të ndërtuar të ardhme”, sqaroi Zaev.
Fakt është, tha Zaev, se në vitin 1944 Arradhat partizane nga ish partia komuniste e Bullgarisë u bashkuan në çetat antifashiste çlirimtare dhe së bashku me Armatën sovjetike e çliruan hapësirën ballkanike nga fashizmi.
I pyetur se kush e ka kryer masakrën në Vatasha, Zaev tha se okupuesi fashist.
Në lidhje me largimin e përmendoreve për të cilat ka folur në intervistë, Zaev sqaroi se ato janë larguar sipas Marrëveshje për miqësi dhe obligimet për ruajtje të miqësisë mes dy shteteve.