Në 100 ditët e fundit të kësaj përbërje qeveritare, qeverinë do ta udhëheqë kryeministër shqiptar dhe kjo marrëveshje është në fuqi. Kështu u shpreh kreu i Kuvendit, Talat Xhaferi në Click Plus. Sipas tij, pozita e kryeministrit nuk i takon opozitës por i takojnë tre ministri. Sa i përket qasjes se të gjitha funksionet kryesore të shtetit do udhëhiqen nga shqiptarët, sipas Xhaferit është qasje diskriminuese.
–Atëherë do të bëhemi me kryeparlamentar shqiptar, me kryeministër shqiptar, e presidenti është problem. Ose mund ta përjetojmë me qenë kryeparlamentar dhe u.d president.
“Jo jo. Jo që se bënë atë gabim VMRO-ja. Ato janë qasje që unë nuk dua t’i definoj. Qasja e shprehjes së frikës se do bëhen të gjithë, ajo është qasje që mos të them ndonjë fjalë më të rëndë por është diskriminuese si mendim”, tha Talat Xhaferi – Kryetar i Kuvendit.
Xhaferi e sqaron edhe atë se çfarë parasheh Kushtetuta kur presidentit i përfundon mandati.
“Po, është e përshkruar me Kushtetutë se në atë situatë e ushtron detyrën e presidentit dhe në atë situatë udhëheqë Parlamentin. I kryeson seancat parlamentare por nuk ka të drejtë vote në Parlament”, theksoi Talat Xhaferi – Kryetar i Kuvendit.
Sa i përket zgjedhjeve, me qëllim që ato presidenciale dhe parlamentare të mbahen së bashku, termini i vetëm është të caktohet mes datave 5 deri më 8 maj.