Vrasja në Strugë, autori është operuar dhe është jashtë rrezikut për jetë

TË FUNDIT

Prokuroria Themelore Publike në Strugë njofton se ka kryer kontrolle në një banesë në Strugë ku është privuar nga jeta një grua e moshës 34-vjeçare, transmeton Alsat. Sipas informacioneve fillestare të Prokurorisë, pas zënkës paraprake mes vete, bashkëshorti me thikë i ka shkaktuar disa plagë vdekjeprurëse gruas së tij, ndërsa më pas ka tentuar të vetëvritet. Ngjarja ka ndodhur në një banesë të miqve të çiftit, ku ata kishin shkuar për vizitë. Prokuroria informon se pas tentimit për vetëvrasje, i dyshuari 39-vjeç është operuar dhe është jashtë rrezikut për jetë. Prokuroria shton se nga vendi i ngjarjes janë marrë prova me të cilat do të kryhet ekspertizë, respektivisht është marrë thika me të cilën autori ka kryer veprën penale ndërsa trupi i viktimës është dërguar për autopsi.