Forcat e Ministrisë së Punëve të Brendshme kanë vazhduar me kërkimin e ish drejtorit për Siguri dhe Kundërzbulim, Sasho Mijallkov, i akuzuar në rastin “Target-Fortesa”.
Siç mund të shihet nga pamjet e TV21, forca të shumta policore janë duke e ruajtur hotelin “Meriot” në qendër të Shkupit, ndërkaq raportohet se ngjashëm është rrethuar edhe shtëpia e tij e banimit.
Nga ana tjetër, nga MPB-ja për TV21 kanë deklaruar se tashmë është kërkuar të shpallet fletarrest ndërkombëtar për Mijallkovin, pasi i njëjti ende nuk është gjetur për t’iu dhënë shkresa për vuajtjen e arrestit shtëpiak. Kjo masë ishte shqiptuar për sigurimin e prezencës së Mijallkovit në seancën e 26 shkurtit ku duhet të shpallet aktgjykimi për rastin “Fortes-Target” për përgjimet ilegale – “bombat”.