Vendosen paravanë për mbrojtje nga Covid-19! Por SHF “Hasan Prishtina” s’ka sapun në tualet

TË FUNDIT

Ministrja e arsimit Milla Carovska dhe kryetari i komunës së Çairit Visar Ganiu bënë një xhiro në klasat e nxënësve të shkollës fillore Hasan Prishtina në Çair për të parë paravanët e tejdukshëm të cilat janë vendosur në bankat  për t’i mbrojtur nxënësit nga Kovid 19.

Por ata nuk hyrën në tualetin e shkollës, në të cilin nxënësit nuk kanë sapun për t’i larë duart.

E nga këto pamje mund të shihet se gjendja e tualeteve e mjerueshme.

Nga ana tjetër tualetet e arsimtarëve janë të rregulluara kështu.

Kryetari i komunës së Çairit Visar Ganiu premtoi se është paraparë rregullimi i tualeteve në shkolla, por nuk precizoi se kur saktë do të rregullohen.

 “Mesiguri se duhet bërë programin për furnizime publike dhe në momentin që zgjidhet operatori ne menjëherë do të fillojmë me për renovimin e tualeteve në këtë shkollë”, theksoi Visar Ganiu – Kryetar i Komunës së Çairit.

Ministrja për arsim Milla Carovska i tregoi Ganiut se filloren e ka kryer pikërisht në këtë shkollë. Ajo thotë se këmbëngul se protokollet për mbrojtje nga Kovid 19 po respektohen në të gjitha shkollat e vendit.

 “Protokollet për mbrojtje nga Kovid-19 për ndjekje të mësimit me prani fizike janë të qarta. Ato i zbatojnë të gjitha shkollat në gjithë territorin e vendit të cilët punojnë me prani fizike”, potencoi Milla Carovska – Ministre e Arsimit dhe Shkencës.

Ndryshe, Komuna e Çairit nëpër 10 shkolla fillore që gravitojnë në këtë komunë, ka vendosur 1950 paravanë të tejdukshëm. Për këtë projekt ka shpenzuar 560 mijë denarë.