Pas tetë ditëve luftë për jetë, ka ndërruar jetë 16-vjeçari romë, i cili u qëllua nga një polic gjatë një ndjekje policore në Selanik.
Nga spitali ku ishte hospitalizuar në gjendje kritike, mëngjesin e sotëm kumtuan se djali ka ndërruar jetë pavarësisht përpjekjeve të mjekëve.
Në gjendje kome, me plagë në pjesën e kokës nga arma e zjarrit, djali u shtrua në spitalin e Selanikut më 5 dhjetor në orën dy të mëngjesit, u operua menjëherë dhe u transferua në terapi intensive, ku u trajtua në ditët e kaluara, por iu nënshtrua plagëve.
Të hënën e kaluar, 16-vjeçari është ndalur në stacion policor, ka mbushur benzinë për 20 euro, ka ikur pa paguar dhe menjëherë është njoftuar policia, pas së cilës policët me motor kanë ndjekur mjetin që drejtohej nga djali, i cili pasi duke mos iu përgjigjur kërkesave dhe urdhrave për të ndaluar, sipas mediave, është qëlluar në kokë nga një prej policëve.
Polici, i cili qëlloi ndaj djalit u soll para një gjyqtari hetues në Selanik të premten dhe sipas mediave greke, ai tha se ka vepruar në vetëmbrojtje për shkak të rrezikut në të cilin ishin kolegët e tij kur shoferi i mitur tentoi t’i godiste me makinën e tij. dhe në lidhje me të shtënat tregoi se ai synonte poshtë gomave dhe jo drejt shoferit.
Polici është në arrest shtëpiak dhe më tej do të vendoset nëse do të transferohet në një nga burgjet greke.