Vazhdon aksioni në Haraçinë

Zëdhënësi i Ministrisë së Punëve të Brendshme Toni Angellovski për TV21 thotë se polica ende po vepron pas konfiskimit të sasisë së madhë të marihuanës në Haraçinë. Angellovski shton se MPB ende po e heton rastin dhe se do të japin infromacione të detajuara pas përfundimit të hetimit.

“MPB ende po vepron në lidhje me aksionin ku janë konfiskuar sasi e madhe e marihuanës. Kur do të përfundojë aksioni tërësisht do t’ju informojmë”, tha Angellovski për TV21.

Jo zyrtarisht janë arrestuar disa persona, ndërsa janë zbuluar edhe 2 tonë marihuanë e cila me kamion është nxjerrë nga depoja për përpunim të kanabisit në Josifovë, fshat në Vallandovë.

Mbrëmjen e së hënës në venbanimin Mojancë të Komunës së Haraçinës u zhvillua aksion policor, ndërsa mes ekipeve kishte edhe nga ata të forcave speciale, inspektorë dhe teknikë të krimit.