Po u bëjnë një kontroll të fundit gomave.
Ky kontroll po bëhet para se të vijë ministrja e Mbrojtjes Radmila Shekerinska, e cila do të kumtojë se këto autoambulanca të ushtrisë do të jenë në dispozicion të shërbimeve spitalore në luftën kundër virusit.
“Në këtë moment do të dhurojmë pesë autoambulanca që do të jenë në shërbim të ndihmës së shpejtë të Shkupit ndërsa gjatë ditëve në vazhdim dy automjete do të dhurohen jashtë qytetit të Shkupit.Këto automjete janë që i përdor ushtria”, tha Radmila Shekerinska, ministre e Mbrojtjes.
Ministri i Shëndetësisë Venko Filipçe erdhi bashkë me ministren e Mbrojtjes.
Ai thotë se kjo ndihmë që po ofron Ministria e Mbrojtjes ishte e nevojshme në raste për shkak se disa nga pacientet kanë nevojë për transport të shpejtë deri tek shërbimet spitalore.
“Presioni ndaj sistemit shëndetësor është i lartë, dhe shpesh herë kemi nevojë për transport të shpejtë të pacientëve deri tek shërbimet spitalore.Në periudhën e kaluar e kemi rritur numrin e automjeteve të ndihmës së shpejtë këtu në Shkup, por kjo ndihmë është e mirëseardhur”, pohoi Venko Filipçe, ministër i Shëndetësisë.
Ministri i Shëndetësisë Venko Filipçe theksoi se momentalisht ka personel të mjaftueshëm, ndërsa janë edhe duke zhvilluar konsultime nëse infermieret nga viti i katërt në shkollën e mesme të mjekësisë të mund të kalojnë një pjesë të praktikës në kovid qendrat.