Inspektorët e Agjencisë për Ushqim dhe Veterinari gjatë shtatorit kanë kryer 91 kontrolle në çerdhe dhe 23 inspektime të jashtëzakonshme në shkolla. Në dy çerdhe është konstatuar higjienë e pakënaqshme në kuzhina, ndërsa njëra nuk ka kryer kontrollin shëndetësor të detyrueshëm të personelit, përcjell TV21. Janë shqiptuar tre gjoba monetare, dhe për shkak të ruajtjes së papërshtatshme janë asgjësuar 24 kilogramë ushqim.
Në shkolla, kushte të pakënaqshme janë gjetur vetëm në një kuzhinë, ndërsa në dy janë konstatuar devijime nga praktika higjienike. Për shkak të deklarimit të pasaktë janë asgjësuar edhe 59 kilogramë ushqim shtesë. Për parregullsitë e konstatuara është shqiptuar një gjobë monetare dhe janë marrë pesë vendime për eliminimin e tyre./tv21.tv