UNHCR: Pandemia me COVID-19 ka përkeqësuar vuajtjet e refugjatëve

TË FUNDIT

Pandemia e koronavirusit i përkeqësoi vuajtjet e njerëzve që ikin nga lufta, konflikti dhe persekutimi, dhe derisa vendet po përpiqen ta mbrojnë popullsinë dhe ekonomitë e tyre, atyre është duke ju kanosur rrezik për normat themelore për refugjatët dhe të drejtat e njeriut, bën të ditur UNHCR-ja.

“Parimet kryesore për mbrojtjen e refugjatëve janë duke u testuar, por edhe i njerëzve të detyruar për të shmangur konflikte dhe persekutime nuk duhet t’i privojë ata nga siguria dhe mbrojtja nën pretekstin e reagimit ndaj virusit dhe nuk duhet të jenë pasojë e një reagimi të tillë”, tha Filipo Grandi, komisionar i lartë i KB-së për refugjatët.

“Shëndeti publik dhe mbrojtja e refugjatëve nuk e përjashtojnë njëra-tjetrën”, shtoi ai, duke precizuar se ligjet e njohura prej kohësh për refugjatët duhet të respektohen në situata kur qeveritë marrin masa të rrepta për ta mbrojtur shëndetin publik, përfshirë masat e marra në kufi.

UNHCR vlerëson se 167 vende deri më tani i kanë mbyllur plotësisht ose pjesërisht kufijtë e tyre për ta parandaluar përhapjen e virusit, me ç’rast të paktën 57 vend nuk bëjnë përjashtim kur bëhet fjalë për azilkërkuesit.

Përderisa luftërat dhe dhuna vazhdojnë në shumë pjesë të botës, masat e tilla e pezullojnë të drejtën e njerëzve për të kërkuar azil. Ata që kërkojnë siguri dhe strehim u mohohen kufijtë në tokë ose det dhe kthehen ose shpërngulen në vendet e tjera ku ekziston një kërcënim serioz për jetën ose lirinë e tyre.

UNHCR u bën thirrje shteteve të menaxhojnë me kufizimet kufitare në një mënyrë që gjithashtu do ta sigurojnë pajtueshmërinë me të drejtat ndërkombëtare të njeriut dhe standardet e mbrojtjes së refugjatëve, përfshirë këtu përmes karantinës dhe kontrollit shëndetësor./MIA