Federata Evropiane e Futbollit (UEFA) ka nisur një hetim të ri kundër Juventusit për shkelje të mundshme të rregullave të fer-plejit financiar, pas suspendimit të klubit nga garat evropiane në sezonin 2023/24 për shkelje të ngjashme.
Sipas njoftimit të klubit torinez, më 18 shtator Juventusi ka marrë informacionin zyrtar nga UEFA për hapjen e procedurës, lidhur me tejkalimin e mundshëm të limitit financiar për periudhën trevjeçare 2022/23–2024/25.
Epilogu i hetimit pritet në pranverën e vitit 2026 dhe mund të përfshijë gjoba financiare – që pritet të jenë më të ulëta – si dhe sanksione sportive, përfshirë kufizime në regjistrimin e lojtarëve të rinj për garat evropiane.
Klubi, i kontrolluar nga familja Anjeli përmes holdingut të tyre “Exor”, u përjashtua nga garat evropiane sezonin e kaluar për shkelje paraprake të rregullave të fer-plejit financiar.