Presidenti i Turqisë, Recep Tayyip Erdogan, ka njoftuar se vendi i tij do të mbajë zgjedhjet e parakohshme, sipas të gjitha gjasave, më 1 nëntor.
Qytetarët do të shkojnë përsëri në votime pasi kryeministri Ahmet Davutoglu ka braktisur përpjekjet për të formuar koalicionin qeveritar.
Partia për Drejtësi dhe Zhvillim e Davutoglut ka humbur shumicën, që ka gëzuar për 12 vjet, në zgjedhjet e qershorit.
Humbja ka ndodhur kryesisht për shkak të suksesit të Partisë Popullore Demokratike, subjekt pro-kurd.