Ish-presidenti amerikan Donald Trump ka mbërritur në zyrën e prokurorit të distriktit të Manhatanit, ku po qëndron në arrest përpara nisjes së seancës gjyqësore.
Trump-it pritet që t’i merren shenjat e gishtërinjve, në kudër të procedurës që ndiqet në raste të tilla edhe pse nuk dihet ende nëse do të fotografohet apo jo, raporton CNN.
Ish-presidenti do të dërgohet më pas ne seancën e gjyqit ku do të njihet me akuzën, një dalje kjo që pritet të jetë e shkurtër por që përfaqëson një moment të paprecedent në historinë e SHBA-së.