Shitja me pakicë në internet po ndryshon strukturën e furnizimit të mallrave dhe shërbimeve në zonat rurale të Kinës dhe po përshpejton azhurnimin e konsumit rural. Kjo u deklarua në një raport të sektorit nga Këshilli i Akademisë së Kinës për Nxitjen e Tregtisë Ndërkombëtare, citon “Xinhua”.
Sipas këtij të fundit, ndërsa infrastruktura rurale vazhdon të përmirësohet dhe platformat e mëdha të tregtisë elektronike fillojnë të synojnë klientët ruralë, më shumë produkte me cilësi të lartë janë në dispozicion për konsumatorët në ato zona.
Të dhënat nga raporti tregojnë se banorët e zonave rurale tani janë më të prirë të blejnë pajisje shtëpiake dhe produkte digjitale në internet.
Përveç kësaj, duke zgjeruar kanalin e shitjeve për produktet bujqësore përmes shitjes me pakicë në internet, ata fitojnë më shumë dhe kontribuojnë në rritjen e fuqishme të konsumit rural.