Trazirat në Izrael, mbi 1.550 arabë janë arrestuar

Mbi 1.550 arabë janë arrestuar gjatë trazirave në Izrael në dy javët e fundit, dhe policia izraelite kumtoi se do të vazhdojë t’i arrestojë të dyshuarit për trazirat dhe t’i nxjerrë para gjyqit.

Deri më tani janë parashtruar 150 aktakuza. Territoret arabe në Izrael ishin vend I protestave të shumta kundër sulmeve ushtarake izraelite kundër palestinezëve në Rripin e Gazës dhe Jerusalemin Lindor.

Në fillim të këtij muaji, tensionet eskaluan në territoret palestineze pas vendimit të gjykatës izraelite për shpërngulje të familjeve palestineze nga shtëpitë e tyre në rajonin Sheik  Xharrah në Jerusalemin lindor në dobi të izraelitëve.

Situata eskaloi pasi që forcat izraelite të sigurisë gjuajtën me plumba gome dhe shok-granata në drejtim të besimtarëve palestinezë në xhaminë Al-Aksa në Jerusalem.

Së paku 230 palestinezë janë vrarë, prej të cilëve 65 fëmijë, ndërsa janë edhe 1.710 të plagosur prej fillimi të konfliktit më 10 maj.