Toyotës i bie fitimi pas tarifave të Trumpit

Toyota ka raportuar të mërkurën për rënie të fitimit vjetor për 7 për qind për periudhën prill-shtator, pasi tarifat e presidentit të SHBA-së, Donald Trump goditen prodhuesit e veturave të Japonisë, por rriti parashikimin e saj për gjithë vitin fiskal.

Fitimi neto për periudhën prill-shtator ishte 1.77 bilion yen ose 11.5 miliardë dollarë, nga 1.9 bilion yen sa ishte një vit më herët.

Por prodhuesit e modeleve Camry dhe Lexus rritën parashikimet e tyre të fitimet për gjithë vitin fiskal që përfundon në mars të vitit 2026 në 2.93 bilion yen ose 19 miliardë dollarë.

Edhe pse tarifat po e dëmtojnë biznesin, Toyota tha se shitjet u rriten në Shtetet e Bashkuara të Amerikës dhe në tregun vendor japonez.

Gjatë gjashtë muajve deri në shtator, ka shitur 1.5 milionë vetura në Amerikën veriore dhe 970.000 vetura në Japoni.