Totenhemi i gatshëm për ta kthyer Bejlin në Real Madrid

Totenhemi nuk do ta vazhdoj kontratën për huazim të sulmuesit të Realit, Garet Bejl, shkruan “Tajms”.

Sipas gazetës britanike, lojtari 31-vjeçar nuk i bëri përshtypje drejtimit të klubit londinez me performancën e tij, kështu që ata janë të gatshëm ta rikthejnë sulmuesin përsëri në Real.

Më parë ishte njoftuar se uellsiani dëshiron të marrë një shans tjetër në klubin nga Madridi dhe të rinovojë kontratën deri në fund.

Në sezonin 2020/21, Bejli luajti në 12 ndeshje, duke shënuar tre gola. Kontrata e tij me Real Madridin zgjat deri në verën e vitit 2022.