Ministri i Punëve të Brendshme, Pançe Toshkovski, gjatë vizitës në Njësinë për Dhunë në Familje pranë SPB Shkup, deklaroi se efikasiteti i institucioneve në trajtimin e rasteve të dhunës në familje është rritur ndjeshëm gjatë katër viteve të fundit, përcjell TV21. Sipas të dhënave të MPB-së, nga viti 2022 deri më sot janë regjistruar 1.275 raste të dhunës në familje. Në të njëjtën periudhë është rritur edhe numri i rasteve të trajtuara me procedurë të shpejtë dhe i masave të kujdesit të shqiptuara.
Në vitin 2022 janë proceduar vetëm 10 raste me procedurë të shpejtë, ndërsa këtë vit, deri tani, janë trajtuar 52 raste dhe janë shqiptuar 23 masa të kujdesit. Sipas Toshkovskit, kjo tregon një reagim më të shpejtë dhe më vendimtar të institucioneve. Ai theksoi se mbrojtja e viktimave të dhunës në familje mbetet një nga prioritetet kryesore të Ministrisë së Punëve të Brendshme.