Tomovski do të ekstradohet, Spasovski: Secili kriminel do të dalë para drejtësisë

TË FUNDIT

Policia turke gjatë ditës së djeshme ka arrestuar shtetasin maqedonas Boban Tomovski, i cili thuhet se ka qenë krahu i djathtë i bosit të mafiozit Sedat Pekerit, e ky i fund kishte qëndruar prej muajsh në vendin tonë.
Ministri i Punëve të brendshme Oliver Spasovski tha se do të ndërmerren masat e nevojshme për ekstradim të të arrestuarit.

“Ai person nuk është kërkuar për asnjë bazë këtu në vendin tonë, është burgosur në Turqi. Gjithashtu që sipas ligjeve do të ndërmerren masat e nevojshme, edhe për ekstradim edhe për përgjegjësi. Secili i cili është marr me krim ka ndërmarrë akte kriminale duhet të dijë se do të përfundoj njëjtë sikur këtë Tomovskin apo ndonjë tjetër, nuk do të thotë këtu apo në ndonjë vend tjetër drejtësia do të vijë në vend”, deklaroi Spasovski.

Por sipas ministrit autoritetet e Turqisë ende nuk kanë kontaktuar me ministrinë e punëve të brendshme të vendit tonë.

“Nuk kanë komunikuar ende, por do të ndërmerren të gjitha veprimet ligjore”, tha më tej ai.

Sipas mediave, Tomovski ka qenë bashkëpunëtor i afërt i Sedat Pekerit dhe së bashku kanë vepruar në Maqedoni, ndërsa ka jetuar si i arratisur në Emiratet e Bashkuara Arabe. Tomovski është arrestuar në aeroportin Sabiha Gokçen në Stamboll.