Tik-Tok, kërcënim i ri global?! Covid-19 shkaktoi varshmëri më të madhe ndaj rrjeteve sociale

Epidemia me Kovid-19 nuk ka shkaktuar vetëm rrezik në aspekt shëndetësor dhe ekonomik, por duket se pasojat më të mëdha do të shihen edhe në aspektin social. Izolimi në shtëpi, ka krijuar shumë shprehi te qytetarët e vendit tonë por edhe tërë botës. Masat restriktive dhe mungesa e aktiviteteve të zakonshme, i ka bërë qytetarët më të varur ndaj rrjeteve sociale.

 “Një nga aplikacionet më të përdorura gjatë kësaj periudhe ka qenë aplikacioni Tik-Tok, të dhënat në Play Store tregojnë se këtë aplikacion e kanë zbritur më shumë se 1 miliard persona”, Fatbardha Curri, gazetare.

E përdorimi i TIK-TOK është i pranishëm edhe te të rinjtë e vendit tonë. Kështu mund të kuptohet nga disa të anketuar të TV21.

“Unë po. Gjatë pandemisë”
A keni ndenjur shumë?
“Jo shumë. Nuk mu dok shumë atraktiv dhe e kam fshirë pas dy ditësh”

 “A e keni instaluar programin Tik – Tok?
Po…
Kur e keni instaluar, para apo pas epidemisë?
“Edhe më herët e kam pasur”
Edhe keni qëndruar më shumë gjatë kësaj periudhe?
“Po, normal. Është interesant”
Ju a keni Tik – Tok?
“Po, kam… diku 30 minuta qëndroj në të”?

Ka të tjerë që nuk e përdorin Tik-Tok, por sërish mbyllja në shtëpi i ka bërë më të varur ndaj rrjeteve sociale.

“Jo, ende nuk e kemi instaluar”
Por a jeni bë më të varur ndaj rrjeteve sociale gjatë epidemisë së Kovid-19?
“Po, po kemi qëndruar shumë”
Cilat i keni përdorur më shumë?
“Të njëjtat, Snap Chat, Instagram”

 “Jo, nuk e kam instaluar”
A përdorni rrjete sociale?
“Po… instagramin?
Sa është epidemia a keni përdorur më shumë rrjete sociale?
“Po, normal, se kemi qëndruar më shumë në shtëpi”

“Jo, jo nuk e kemi?
Rrjete tjera sociale a përdorni?
“Përveç Instagramin dhe Fejsbukun.
Prej kur u paraqit virusi Kovid-19, a keni ndenjur më shumë në rrjete sociale apo më pak?
“Më shumë, se s’kemi pasur çfarë të bëjmë”
Dikush tjetër a e ka instaluar Tik-Tok-un?

 “Shumë rrallë”
Tik-Tok-un a e keni instaluar?
“Jo, jo atë as nuk e instaloj”

Përdorimi i madh i këtij aplikacioni në aspekt social shihet shumë i dëmshëm. Sociologu Ali Pajaziti sqaron pasojat psikologjike të saj.

 “Në shkallaren e rrjeteve sociale, TIK-Tok bën hapa galopante duke krijuar një rrjet të brezit të varur që koncentrohen tek ata 15 sekonda ku kemi zë dhe ku kemi video. Dhe këto sekonda që mund të arrijnë deri në 60, kanë efekt marramendës në drejtim të asaj që quhet shpëlarje e trurit dhe që ndikon në psikologjinë e të rinjve. Në çast ajo krijon një zbavitje, argëtim fascionant, por aman është aq i shpejtë, sa nuk e lejon njeriun të mendojë. E nxjerr nga binaret e përditshmërisë”, deklaroi sociologu, Ali Pajaziti.

Derisa vendi ynë lejon përdorim të lehtë të këtij aplikacioni, disa shtete e kanë ndaluar atë. Rasti është me Japoninë e cila këtë aplikacion e ka ndaluar duke miratuar ligj për siguri nacionale, ndërkaq kompani të mëdha si Amazon ua kanë ndaluar ta përdorin edhe punëtorët e tyre. Ndalesë për përdorim ka paralajmëruar edhe SHBA, për shkak se TIK –TOK është pronë e ByteDance, kompani kineze kjo për shkak të mundësisë së kryerjes së një spiunazhi duke shpërndarë të dhënat personale të amerikanëve në këtë aplikacion.