The Rock nuk ka në plan të rikthehet në Fast&Furious

Dwayne Johnson i njohur nga roli i tiij në seritë e Fast&Furious si “The Rock” nuk po përmbahet për ndjenjat e tij në lidhje me aktorin, Vin Diesel.

Gjatë një interviste, Johnson, iu drejtua një postimi në Instagram të bërë nga Diesel në nëntor – në të cilin aktori 54-vjeçar i kërkoi publikisht Johnson-it të ribashkohej në film, duke e quajtur lëvizjen e Diesel një shembull të manipulimit të tij.

“Unë u befasova shumë nga postimi i fundit i Vin. Qershorin e kaluar, kur Vin dhe unë folëm, i thashë drejtpërdrejt dhe privatisht se nuk do të kthehesha në film. Isha i vendosur, por i përzemërt me fjalët e mia dhe thashë se do të isha gjithmonë mbështetës e kastit, por që nuk kishte asnjë shans që të kthehesha. Nuk më pëlqeu që ai solli fëmijët e tij në këtë post, si dhe vdekjen e Paul Ëalker. Lërini ata jashtë kësaj. Ne kishim folur muaj më parë për këtë dhe arritëm në një mirëkuptim të qartë. Qëllimi im gjatë gjithë kohës ishte t’i jepja fund udhëtimit tim të mahnitshëm në Fast and Furios”, ka thënë Johnson.

Kështu, mbas këtij postimi Johnson mohoi të gjithë zërat për një rikthim të mundshëm në serinë e famshme Fast&Furious./21Media