Kreu i Partisë Demokratike Shqiptare, Menduh Thaçi dhe kandidati për deputet në zonën zgjedhore 2, Orhan Ibrahimi, kanë takuar sot banorë të disa fshatrave të Kumanovës.
Aktivitetet parazgjedhore i kanë nisur në Ropalcë, për të vazhduar më pas në Mateç, Llojan dhe do ta përmbyllin me tubim në Sllupçan.
Në Facebook PDSH përcjell pjesë të asaj që Thaçi e Ibrahimi kanë thënë para banorëve të Mateçit.
“Pozita që e synoj unë është ajo e zëvendëskryeministrit me veto që do të marrë përgjegjësi që buxheti i shtetit të ndahet drejtë dhe proporcionalisht” ka deklaruar Thaçi.
“PDSH ua ka heqë maskat të gjithëve. Të bisedojmë me të gjithë për të mbështetur PDSH-në sepse ajo është shpresa e vetme” është shprehur kandidati për deputet Orhan Ibrahimi./TV21