Tetovë, gjysma e nxënësve të shkollës Bratsvo-Migjeni bojktojnë mësimin

TË FUNDIT

Një pjesë e nxënësve të shkollave fillore dhe të mesme po bojkotojnë orët mësimore për shkak të digjitalizimit të librave. Kryesisht bojkotojnë nxënës prej klasës së peste deri në klasën e nëntë dhe nxënës të shkollave të mesme. Kështu informojnë disa drejtor me të cilët kontaktoi TV21. Në shkollën fillore Bratsvo-Migjeni mësimin e bojkotojnë mbi 400 nxënës.  

“474 nxënës kanë bërë bojkot nga 1124 nxënës. Unë jam në kontakt me prindërit. Kishte prindër të cilët nuk janë të informuar nga fëmijët e tyre edhe ata janë në huti. Nesër kemi caktuar takim me këshillin e prindërve që të diskutojmë”, tha drejtori i shkollës fillore Bratsvo-Migjeni.

Fisnik Rustemi anëtar i iniciativës “Libra dhe mësim patjetër të ketë” dhe prind i tre fëmijëve, thotë se do të vazhdon me bojkot përderisa nuk tërhiqet ligji i cili parasheh digjitalizimin e librave shkollor.

“Bojkotojnë të gjithë përveç të vitit të parë. Në disa shkolla bojkotohet komplet, në disa 70 deri 80%. Sipas informatave që na vijnë ka presione të ndryshme por ka edhe frikë. Ka prindër që thonë fëmija im nuk ka hyrë, por kanë hyrë të tjerët”, tha Fisnik Rustemi-prindër.

Nga MASH thonë se një pjesë e vogël e nxënësve nuk po e ndjek mësimin. Nuk tregojnë saktë se sa nxënës kanë munguar në orët mësimore.

“Ministria e Arsimit dhe Shkencës informon se grupe të vogla të nxënësve nga disa shkolla në vend nuk marrin pjesë në orët mësimore me prani fizike, gjegjësisht nuk janë të lidhur në mësimin online. Apelojmë deri te nxënësit dhe familjeve të tyre të ndryshojnë këtë qëndrim dhe së bashku me nxënësit e tjerë tu kthehen orëve mësimore”, thonë nga MASH.  

Nga Iniciativa thonë se, nëse MASH-i nuk i merr në konsideratë kërkesat e tyre, të dielën do të dalin në protestë në çdo qytetet të vendit. MASH nuk heq dorë nga digjitalizimi i librave, por shtojnë se janë të hapur për të debatuar me prindërit në qoftë se kanë dilema për ligjin e ri.

TË NGJAJSHME