Me simptomat e para të ftohjes, kërkohet mënyrë për tu testuar për Covid 19. Për shkak të procedurave të gjata përmes mjekut familjar dhe numrit të kufizuar të testeve, qytetarët detyrohen të testohen në klinika private, ku çmimet janë shumë të larta, në krahasim me laboratorët shtetëror, ku testimi është falas. Por sa çmimet e testeve lejojnë që të testohet çdo qytetar? TV 21 thirri disa klinika për të pyetur për çmimin e testeve për Kovid-19. Nëse doni rezultate të shpejta, do të paguani edhe më shumë.
“Mirdita, më intereson çmimi i testit për korona virus? Dhe a keni pako?Nëse dëshironi sot për sot, kushton 6 mijë denarë, ndërsa nga sot për nesër 3950 denarë. Nuk kemi pako”, thanë nga një laborator.
“Mirdita, duam të testohemi për korona virus, sa do të na kushtojë?3950 denarë është testimi. A keni pako për më shumë persona? Jo zonjë, nuk kemi pako grupore”, thanë nga një spital.
Profesor, Nikolla Panovski beson se ajo që bëhet në klinikat private është çnjerëzore dhe e keqe, sepse siç thotë ai, kështu testohen vetëm ata që kanë para.
“Ajo që po bëhet në laboratorët privatë është e çnjerëzore dhe shteti duhet t’i kishte përfshirë ato në sistem dhe të punonin me çmimin e fondi. Rezulton se ai që ka para do të testohet, ai që nuk ka, nuk do të testohet. Kështu nuk udhëhiqet me epideminë”, deklaroi Panovski.
Sipas Panovski, sëmundja nuk kontrollohet përmes parave të qytetarëve, sepse jo të gjithë kanë mundësi të barabarta.
“Pra, në një epidemi, nëse duam ta zgjidhim, të gjithë jemi të barabartë sepse të gjithë transmetojnë sëmundjen dhe mund ta marrin atë. Në këtë mënyrë, nëse shikoni analizën, do të shihni që personat me të ardhura më të larta testohen më shumë, nuk kanë kohë të presin, ndryshe nga disa njerëz më të varfër që nuk kanë bukë, e lëre më të mos mendojmë për testime. Pra, pasqyra që marrim nga komunat është joreale. Të varfëritë testohen me përqindje më të ulur. Disa prej tyre kalojnë sëmundjen, disa prej tyre vdesin në shtëpi pa u diagnostikuar”, shtoi Panovski.
Panovski shton se testet për virusin korona duhej të kishin çmim më të volitshëm, jo më shumë se 1500 denarë, që të gjithë të mund të paguajnë.