“Tendencioze nën presion të BSP-së dhe kryeministri Kovaçevski”, Llatas dhe Llazarov thonë se nuk ndjehen fajtorë

Në Gjykatën Themelore Penale, gazetari Dragan Pavlloviq Llatas dhe influenseri, Stefan Llazarov, të akuzuar për vepër penale “përhapje të materialeve raciste dhe ksneofobke me anë të sistemit kompjuterik” sot deklaruan se nuk ndjehen fajtorë për veprën për të cilën ngarkohen.

Llatas para Gjykatës tha se nuk ndjehet fajtor dhe se aktakuza është tendencioze.

“Nuk ndjehem fajtor për akzakuzën e parashtruar sepse konsideroj se është tendencioze, nën presion të një grupi të vogël njerëzish të cilët definohen si opinion, në bashkëpunim me drejtorin e policisë publike, përkatësisht Byronë për Siguri Publike dhe kryeministrin Dimitar Kovaçevski i cili së bashku me të përmendurit më parë, paraprakisht, dhe para se të sillej aktakuza, akuzuan dhe gjykuan publikisht”, tha Llatas.

Nuk e konsdieron veten fajtor sepse, siç tha, në vetë aktakuzën citohet fjalia në të cilën ëstë cekur motivi për t’u braktisur ambienti me dukuri të tilla.

I akuzuari Stefan Llazarov, gjithashtu, deklaroi se nuk ndjehet fajtor.

“Vetë dy minutat, sipas meje, janë nxjerrë nga konteksti. Konsideroj se duhet të kalohet i tërë emisioni në mënyrë që të shihet motivi i mysafirit. Qëndrimi i shprehur nuk do të thotë edhe situatë e shprehur e cila ka ndodhur ndonjëherë në jetën e tij, ndërsa e qeshura ime ndaj të njejtës nuk do të thotë se arsyetoj dhe promovoj dhunë ndaj grave”, tha ai.

Sipas aktakuzës, dy të akuzuarit, përmes sistemit kompjuterik kanë përhapur reprezentim ksenofobik dhe racist të idesë e cila promovon dhunë ndaj grave, me çka kanë shkaktuar reagime dhe ndjenjë neverie dhe shqetësi9mi në opinion.

Llatasit, Gjykata Penale i caktoi masë parandaluese për shkak të pranisë, përkatësisht marrje e përkohshme e dokumentit të udhëtimit, përkatësisht ndalesë për dhënie të tij dhe ndalesë për ndërmarrje të aktiviteteve të caktuara të punës lidhur me veprën penale, përkatësisht ndalesë për paraqitje publike me të cilën promovohet përhapja e materialit racist dhe ksenofobik, përderisa Llazarovit i caktoi ndalesë për paraqitje publike.

Sipas Kodit penal, ai që përmes sistemit kompjuterik, përhapë në opinion material të shkruar racist dhe ksenofobik, fotografi apo reprezentim tjetër të idesë apo teorisë e cila ndihmon, promovon apo nxitë urrejtje, diskriminim apo dhunë, kundër cilit do person apo grupl në bazë të racës, ngjyrës së lëkurës, prejardhjes nacionale apo etnike, si dhe bindjes fetare, do të dënohet me burg prej një deri në pesë vite.

Procesin e udhëheqë gjykatësja Diana Gruevska Ilievska, ndërsa përfaqësues i aktakuzës është prokurori Daniel Kocev.