Të mërkurën hapen aeroportet në Shkup dhe Ohër! Protokollet janë gati dhe janë sipas standardeve botërore

TË FUNDIT

Të mërkurën hapet Aeroporti i Shkupit dhe i Ohrit. Protokollet e veçanta parashohin udhëtarët të arrijnë në aeroport tre orë para fluturimit, për shkak të kontrolleve dhe masave mbrojtëse. Tani për tani në nuk do të ketë kufizim të ulëseve të avionëve, ndërsa pasagjerët do të duhet të mbajnë maska gjatë gjithë kohës së fluturimit. Kabinat e avionëve janë të pajisur me filtra special që i shkatërrojnë pothuajse të gjithë viruset dhe bakteret.

“Kishim mundësi të shohim protokollin, me të vërtetë është bërë sipas gjithë standardeve botërore, krejtësisht duke respektuar parimet për mbajtjen e distancës, mbajtja e patjetërsueshme e maskës, në disa vende të objektit janë vendosur mjete për dezinfektimin e duarve. Në ndërtesë do të mund të hyjnë vetëm udhëtarët, që shumë do të ulë kaosin, që vlerësojë se është model i shkëlqyeshëm”, tha Venko Filipçe, ministër i Shëndetësisë.

Ministri për transport dhe lidhje, Goran Sugarevski, pret që nga një korriku të vazhdojnë fluturimet që u ndaluan në mars të këtij viti për shkak të Kovid-19.

“Kishim bisedë me “WIZZAIR”. Nga një korriku vazhdojnë fluturimet dhe të përmbushin të gjithë obligimet e kontratës. Për ne si Qeveri, trafiku ajror është shumë i rëndësishëm. Para krizës në aeroportet e Maqedonisë vit pas viti thyheshin rekorde me pasagjer, që është shumë e rëndësishme për ekonominë dhe turizmin. Shpresoj se në periudhën në vijim edhe përkundër krizës do të kthehemi në normalitet, e më pas do të kemi rritje”, tha Goran Sugarevski, ministër për Transport dhe Lidhje.

Ministri Filipçe informoi se sot do të bisedojë me kolegun grek në lidhje me hapjen e pikës kufitare Evzoni, ndërsa për hyrje të qytetarëve tanë në vendet anëtare të BE-së, tashmë ka biseduar me përfaqësues të Këshillit për shëndetësi të Komisionin Evropian dhe përsëri ka caktuar takime për nesër dhe të enjten.