Me vete kanë marr mjete për pastrim, e janë nisur drejt shtëpisë së Borçes.
Këta janë disa prej vullnetmirëve që sot kanë vendosur ta pastrojnë shtëpinë e Borçes i cili jeton në kushte të rënda.
Ai jeton në një shtëpi të vjetër dhe pa kushte elementare.
Aleksandra Trajkovska ka ardhur bashkë me djalin e saj. Ajo thotë se përveç se do t’i ndihmoj Borçes, do t’i tregoj djalit të saj, se të jetë human është një vlerë e çmuar.
“Po kërkesën për ndihmë ndaj Borçes e pash tek TV juaj dhe vendosëm që t’i ndihmojmë.
Po erdha me djalin tim, dua që ta mësoj djalin të jetë humanitar të ndihmojë aq sa mundet dhe të dijë vlerën asaj që ndihmon sepse është një vlerë.
Përveç shkollimit, të jesh human është një ndër vlerat që ne pak i kemi harruar”, tha Aleksandra Trajkovska.
Borçe sot kishte në shtëpi mysafir si asnjëherë më parë.
Të gjithë pastronin që Borçe të ketë një shtëpi të rehatshme dhe të sigurt.
“Mirë tani për tani i falënderoj të gjithë personat që sot kanë ardhur këtu të më vizitojnë.
Kanë sjell edhe ushqime, por edhe disa mjete për të pastruar. Tani jam më mirë, kam njerëz me të cilët komunikoj, ndërsa deri tani nuk kam pas komunikim me asnjë”, u shpreh Grujiq Borçe.
E disa vullnetar i kishin sjell edhe dru për ngrohje në shtëpi, që të mund ta kalojë dimrin, pasi kjo shtëpi nuk ka as rrymë elektrike nuk ka ende.
Borçe Grujiq jeton në lagjen Përzhinë të Shkupit. Para një jave në emisionin “Edhe unë jam këtu” kërkoi ndihmë nga personat human.