Të gjithë 173 pacientë nga zjarri në Koçan të cilët po shërohen në vend dhe jashtë shtetit janë në gjendje të qëndrueshme shëndetësore, njoftoi ministri Arben Taravari.
“Të gjithë pacientë që mjekohen në vend dhe jashtë vendit janë në gjendje të mirë dhe stabile. Gjendja e shumicës prej tyre përmirësohet. Nga gjithsej 20 që ishin në gjendje kritike, sot konstatuam se 10 janë më kritikë. Por edhe ata janë stabil dhe jashtë rrezikut për jetë”, tha Arben Taravari.
Në vend po kurohen 72 pacientë. Jashtë vendit janë 101 pacientë. Dje një numër të vogël pacientësh janë dërguar jashtë shtetit. Sot ka oferta nga disa shtete, por ministri tha se më së shumti mund të dërgohen 10, por ndoshta edhe jo. Janë lëshuar në mjekim shtëpiak tre pacientë. Para se të lëshohen në shtëpi, të gjithëve u janë bërë analiza toksikologjike.
“Tre pacientë janë lëshuar në shtëpi dje, nesër planifikohet të lëshohen edhe tre pacientë. Nga java e ardhshme shpresoj se do t’ju njoftojmë nga sa pacientë shkojnë në shtëpi të vazhdojnë me mjekim shtëpiak. Po ashtu do t’ju njoftojmë nga java e ardhshme edhe për pacientët që do të fillojnë të kthehen nga shtetet e huaja”, deklaroi Taravari.
Nga pacientët të cilët shërohen në vend, 34 janë në Qedrën klinike, 15 në spitalin 8 Shtatori, 11 janë hospitalizuar në spitalin e përgjithshëm të qytetit ndërsa në Shtip, 1 pacient. 11 pacientë por trajtohen në dy prej klinikave private në Shkup.
Taravari paralajmëroi do të nderohet “post mortum” shoferi i ambulancës Ile Gocevski i cili ndërroi jetë pas ditës së lodhshme të dielën kur gjatë gjithë ditës ka transportuar pacientët ë lënduar nga Koçani në Shkup.