Taravari vs Bejta! Kush punoi më shumë për Gostivarin!?

Kryetari i Gostivarit, Arben Taravari mbrëmë në emisionin Click Plus tha se tha se ka punuar më shumë se sa të gjithë kryetarët e komunave të kundërshtarëve politik.

Përmendi asfaltimin e rrugëve, pastaj ndërtimin e sistemit të kanalizimit dhe ujësjellës.

Arben Taravari: “Unë nuk dua të krahasohem me një komunë të kundërshtarit politik, por me gjitha komunat bashkë.

Të gjithë komunat që udhëheq BDI apo i qeverisë BDI, dua t’i krahasoj me shifrat që i kemi vetëm ne si komunë e Gostivarit.

Fatmir Aliu: Po thoni që ju si Gostivar keni shtruar më shumë asfalt, me shumë kanalizim më shumë ujësjellës?

Arben Taravar: “Po, së bashku mblidhni të gjithë dhe krahasoni si është me Gostivarin”.

Ish kryetari i komunës së Gostivarit, Nevzat Bejta thotë se kryetari aktual nuk ka përmbushur premtimet të cilat i ka premtuar.

 “Kanë kaluar më tre vjet dhe kur kalojnë tre vjet edhe mandati përfundon. Viti i fundit është edhe vit parapërgatitës për zgjedhje.

Ky kryetar është i vetmi kryetar që nuk ka pasur program dhe ka dal pa program, por ka bërë premtime parazgjedhore edhe prej premtimeve parazgjedhore asnjë premtim nuk e ka realizuar.

Unë do t’i përmend me radhë, 1 ka premtuar ndërtimin e fabrikave nuk ka fabrika, rindërtimi i fabrikave të vjetra nuk është bërë”, deklaroi Nevzat Bejta – ish-kryetar i Komunës së Gostivarit.

Si ish kryetari Bejta por edhe kryetari aktual Taravari thonë se nëse partia vendos ata janë të gatshëm që të kandidojnë përsëri për kryetar të Gostivarit.