Taravari: Nëse ndryshimet kushtetuese nuk bëhen për 6 muaj, do ta shqyrtojmë pjesëmarrjen në Qeveri

“Garancë më e mirë që VLEN-i në Qeveri, se Maqedonia e vazhdon rrugën Europiane, nuk ekziston”, kështu tha Arben Taravari në ClickPlus në TV21 dhe shtoi se VLEN do të insistoje që të fillojnë negociatat me BE-në dhe të bëhen ndryshimet kushtetuese Transmeton TV21.

Tutje Taravari tha se, në rast se ndryshimet kushtetuese nuk bëhen për një periudhë kohore prej 6 muajsh, do ta shqyrtojnë pjesëmarrjen në Qeveri.

“Ne na duheshin 10 vite VMRO dhe BDI, pa kushtëzime, pa asgjë, që të humbin 10 vite për t’u bërë pjesë e NATO-s. VLEN është garancë në Qeveri se me çdo kusht do të insistojë që sa më shpejt të fillojnë negociatat me Bashkimin Europian dhe të bëhen ndryshimet kushtetuese, se ai është kusht”, tha Taravari.