Arben Taravari ende nuk e ka vendosur nëse do të rikandidojë për kryetar të Gostivarit. Qëndrimi i tij është që një mandat është i mjaftueshëm, por gjithçka do të varet nga anketat dhe vendimet partiake.
“Nuk e përjashtoj edhe mundësinë që eventualisht edhe të kandidoj por kisha preferuar personalisht që 4 vjet në pushtet lokal vërtetë jo të lodh por të stërlodh dhe për mua personalisht nëse më pyesni do të kisha menduar për opsion të ri, sidomos për Gostivarin, ku jemi në dominim absolut nga BDI-së”, u shpreh Arben Taravari – Kryetar i Komunës së Gostivarit.
Taravari vlerëson se partia e tij është në epërsi në Gostivar. I pyetur nëse Talat Xhaferi do të ishte kandidat i BDI-së, Taravari u përgjigj:
“Talat Xhaferi është kandidaturë serioze ta them sinqerisht, gëzon një far autoriteti në Gostivar edhe pse në zgjedhjet parlamentare 2020, diferenca ndërmjet BDI-së dhe Aleancës me Alternativën ishte afër 4 mijë vota, është diferencë e madhe. Krejt ata njerëz t’I kthesh përsëri në anën e kundër, është problem”, potencoi Arben Taravari – Kryetar i Komunës së Gostivarit.
Nuk morëm asnjë përgjigje nga kryepartlamentari Xhaferi në pyetjen nëse do të kandidonte për kryetar komune nëse një gjë të tillë ia kërkon partia. Gjithsesi që shanset për këtë duken të vogla, që nga posti i kryeparlamentrit Xhaferi të zbresë në kryetar komune, gjë që as analistët e ftuar në ClickPlus, Ratkoceri e Musliu, nuk e besojnë të ndodhë. Edhe 8 muaj na ndajnë nga zgjedhjet lokale, ndërsa partitë thonë se ende është herët për të vendosur për emrat e kandidatëve.