Ministri gjerman i Punëve të Jashtme, Haiko Maas sot në Berlin bisedoi me kolegun britanik dhe francez Dominik Rab dhe Zhan Iv Le Drijan për imazhet për mbështetje të Planit të përbashkët gjithëpërfshirës për aksion për programin bërthamor iranian, kumtoi në brifing përfaqësuesja e diplomacisë gjermane Andrea Zase.
“Dua t’ju informoj se ministri Mas sot i priti homologët e tij francezë dhe britanikë në Villa Borzig (rezidenca e Ministrisë gjermane të Punëve të Jashtme). Takimi filloi para minutave”, tha ajo.
Zase shtoi se fokusi i takimit ishte në marrëveshjen bërthamore me Iranin dhe kujtoi se ministrat disa herë qartë bënë me dije se e mbështesnin respektimin e Planit të përbashkët gjithëpërfshirës për aksion.
“Sipas mendimit tonë, Irani po shkel sistematikisht marrëveshjen”, shtoi ajo.
E ardhmja e marrëveshjes bërthamore u vu në pikëpyetje pas tërheqjes së njëanshme të SHBA-së në 8 maj të vitit 2018 dhe pasi Uashingtoni vendosi sanksione ndaj Teheranit në fushën e eksportit të naftës. Sipas Iranit, pjesëmarrësit e tjerë, kryesisht evropianë, nuk i përmbushin plotësisht detyrimet e tyre sipas pjesës ekonomike të marrëveshjes, kështu që marrëveshja në formën e saj aktuale nuk ka kuptim. Lidhur me këtë, Irani filloi t’i shfuqizojë detyrimet e tij nga Plani i përbashkët gjithëpërfshirës të veprimit për pasurimin dhe kërkimin e uraniumit dhe njoftoi përfundimin e këtij procesi në fillim të janarit.