Federata e Futbollit të Maqedonisë (FFM) ka mbështetje pakushtëzuar nga Asociacioni Evropian i Futbollit (UEFA) të organizojë Asamble të përgjithshme zgjedhore në mënyrë të pavarur dhe pa ndërhyrje të politikës.
Kjo, siç zyrtarisht është kumtuar, është theksuar gjatë vizitës së sotme të kryetarit të FFM-së, Muhamed Sejdini në selinë e UEFA-s, me ftesë së njeriut të parë të tij Aleksandar Çeferin.
Të dy bashkëbiseduesit, siç theksohet në kumtesë të Federatës, janë pajtuar se “zgjedhja e udhëheqësisë së re të FFM-së nuk mund të ndikojë as UEFA, as FIFA, siç nuk mundet të ndikojë as politika, sepse kjo do të ishte në kundërshtim me statutet”.
Në takim në Nion është biseduar dhe për mbështetje nga UEFA për projekte infrastrukturore të FFM-në, zhvillim të futbollit rinor, si dhe për pjesëmarrje të reprezentacionit të Maqedonisë së Veriut në Kampionatin e ardhshëm Evropian.
“Jam i kënaqur nga hapat e mëdha që FFM-ja i ka bërë viteve të fundit nën udhëheqjen e Sejdinit. Në të vërtetë si shtet filluat t’i shënoni të gjitha përfitimet e përpjekjeve tuaja viteve të fundit – nga plasmani i reprezentacionit deri 21 vjet në Kampionatin Evropian në Poloni të vitit 2017, dhe deri te reprezentacioni A që u plasua në turneun përfundimtar për herë të parë në histori”, theksoi Çeferini në takimin me kryetarin aktual të FFM-së.
Sejdini theksoi se Federata e Maqedonisë së Veriut “do të vazhdojë ta japë kontributin e saj në projektet e tanishme dhe të ardhshme të UEFA-s, që gjithmonë janë drejtuar në dobi të të futbollit evropian”.