Kryeministri Dimitar Kovaçevski në Forumin Ekonomik Delfi në Greqi ka realizuar takim me homologun nga Kosova, Albin Kurti, përcjell TV21. Nga shërbimi për shtyp i Qeverisë njoftojnë se dy kryeministrat kanë konstatuar se lidhja mes dy vendeve është në gjendje jashtëzakonisht të mirë dhe se po punohet për intensifikim të bashkëpunimit.
“Në takim u vlerësua se seanca e përbashkët e qeverive të dy vendeve e planifikuar për në qershor të këtij viti është një shtysë shtesë për avancimin e mëtejshëm të marrëdhënieve dhe bashkëpunimit dypalësh. Në takim, kryeministri Kovaçevski theksoi se Maqedonia e Veriut vazhdon mbështetjen e fuqishme të aspiratave euroatlantike të Kosovës dhe është e gatshme të ndajë përvojat në të gjitha fushat në të cilat Republika e Kosovës do të shprehë interesin për rrugën e saj drejt anëtarësimit në BE dhe NATO”, thuhet në njoftimin e Qeverisë.