Takim Dimitrov-Varhei: Vërtetohet nevoja për hapjen e negociatave

TË FUNDIT

Sot në Bruksel, zëvendëkryetari i Qeverisë për Çështje Evropiane Nikolla Dimitrov realizoi takim me Oliver Varhein, Eurokomesarin për Zgjerim dhe Fqinjësi të mire, ku në fokus të veçantë ishin hapat e ardhshëm të vendit tonë në rrugën evropiane, përfshirë edhe miratimin e Kuadrit Negociator dhe mbajtjen e konferencës së parë ndërqeveritare me BE-në. 

Zëvendëskryeministri Dimitrov i’u falënderua ekipit të Eurokomesarit Varhei për përpjekjet e bëra nga Komisioni Evropian në dritën e fillimit të negociatave me Bashkimin Evropian, si dhe për ndihmën ekonomike që Republika e Maqedonisë së Veriut e merr në kontekstin e luftimit të pasojave nga pandemia.

Të dy palët theksuan rëndësinë e periudhës në vazhdim, thelbësor për të ardhmen evropiane të Maqedonisë së Veriut, në të cilën shteti do të tregojë një angazhim të fortë politik dhe do të shfrytëzojë kapacitetin e tërë për shpërndarjen e mëtejshme dhe zbatimin  e reformave në fushat kyçe ,me qëllim për përparimin e qytetarëve të saj.

“Gatishmëria, vizioni dhe përkushtimi i ekipit tone për realizimin e këtij interesi strategjik kombëtar e vërteton nevojën për hapin e ardhshëm historik të agjendës tone evropiane- fillimin e negociatave për anëtarësim”, tha Dimitrovi.

Eurokomesari Varhei informoi për përparimin  në finalizimin e  programit  ekonomik  për zhvillim dhe investim në vendet e rajonit të Ballkanit Perëndimor , I cili tashmë gjatë mandatit të këtij Komisioni  pritet të japë rezultate të dukshme të cilat direkt do të ndikojnë dhe do të jenë në përfitim të qytetarëve të  Maqedonisë së  Veriut  dhe në rajon.​/TV21