Subvencione për ata që do të blejnë makina ekologjike! Arsovska prezanton projektin për të cilin pret mbështetjen e këshilltarëve

Qytetarëve por edhe taksistët që do të blejnë makina ekologjike, hibride ose elektrike do të subvencionohen nga Qyteti i Shkupit, ky është vendimi i kryetares Danella Arsovska e cila planin do ta prezantojë këshilltarëve të Qytetit, nga të cilët pret mbështetje.

“Ky projekt pilot që për herë të parë zbatohet në Maqedoni dhe me të cilin Qyteti i Shkupit do të subvencionojë 200 mijë denarë për automjet. Ky projekt i Qytetit të Shkupit është pjesë e premtimeve të programit “Për Shkupin Modern” dhe në këtë fazë po e lansojmë si pilot projekt që zbulon nevojat dhe interesimin e qytetarëve”, tha Danella Arsovska, kryetare e Qytetit të Shkupit.

Arsovska foli edhe për blerjen e eko-autobusëve, për të cilët tha se do së sjellin përmirësim në transportin publik dhe mjedisin jetësor, ndërsa shpenzimet do të ulen.

“Në këtë seancë kërkojmë mbështetje nga këshilltarët e Qytetit të Shkupit për blerjen e autobusëve të rinj eko që nuk do të ndotin ajrin dhe që do të zëvendësojnë autobusët e vjetër të amortizuar që nuk ofrojnë shërbim të kënaqshëm për qytetarët”, deklaroi Danella Arsovska, kryetare e Qytetit të Shkupit.

Duke folur për rikthimin e transportuesve privatë, Arsovska theksoi shtoi se komisioni po punon për dokumentacionin dhe se do të informojë kur të përfundojë procesi.