Studimi i origjinës së virusit gjen mbështetje, por kundërshtohet politizimi

Zv. ministri i Jashtëm kinez Ma Zhaoxu është shprehur se Kina gjithmonë ka mbështetur dhe ka marrë pjesë aktive në punën e gjurmimit të origjinës COVID-19, por refuzon politizimin e hetimit. Ai i tha këto në Pekin në një dëgjesë me përfaqësuesit dhe ambasadorët e 29 vendeve.

Ditët e fundit, Sekretariati i OBSh-së paraqiti planin e fazës së dytë të gjurmimit të origjinës së koronavirusit të ri pa diskutuar me vendet anëtare. Deri tani mbi 30 vende e kanë hedhur poshtë këtë plan.

Ma Zhaoxu vuri në dukje se plani nuk është bazuar nga raportin e përbashkët studimor Kinë- OBSh dhe nuk mban parasysh sugjerimet e atij raporti, prandaj vendet anëtare kanë pyetje lidhur me këtë plan.
Ma shtjelloi katër propozimet e Kinës për gjurmimin e koronavirusit të ri në mbarë botën.

Së pari, gjurmimi i koronavirusit të ri është një problem shkencor. Studiuesit duhet të kërkojnë burimin e virusit te kafshët dhe rrugët e përhapjes ndër njerëzit.

Së dyti, raporti i përbashkët studimor Kinë-OBSh ka nxjerrë përfundime dhe sugjerime të pranuara nga komuniteti ndërkombëtar dhe qarqet shkencore. Ky raport duhet të respektohet e të zbatohet prej palëve të ndryshme, duke përfshirë Sekretariatin e OBSh-së.

Së treti, pala kineze ka mbështetur gjithmonë dhe do të vazhdojë të marrë pjesë aktivisht në punët e gjurmimit shkencor.

Së katërti, punët e gjurmimit në mbarë botën duhet të drejtohen nga vendet anëtare të OBSh-së.