Studim: Zakonisht infektohen me koronavirus njerëzit që qëndrojnë në shtëpi me persona të familjes tashmë të infektuar

TË FUNDIT

Anëtarët e familjes së infektuar janë burimi më i zakonshëm i infeksionit me koronavirus, thonë shkencëtarët, të cilët i publikuan informacionet për studimin e tyre në revistën “Sajens”.

Ekspertët kinezë i kanë analizuar të dhënat nga 1.178 pacientë dhe 15.648 kontakte të tyre të ngushta në Provincën Hunan për të zbuluar mënyrën më të zakonshme të transmetimit të infeksionit. Ata kanë zbuluar se rreziku nga infeksioni me Kovid-19 rritet me kohëzgjatjen dhe afërsinë e kontakteve fizike.

Rrallë, njerëzit janë infektuar në ambientet mjekësore ku janë respektuar rreptësisht masat mbrojtëse. Tjera janë transporti publik dhe objektet gastronomike. Mundësia e transmetimit të virusit rritet ndjeshëm kur komunikoni me një gamë të gjerë të të afërmve dhe është më e lartë kur jetoni me një anëtar të sëmurë të familjes.

Studiuesit zbuluan se çdo ditë shtesë në shtëpi me një person të infektuar rrit rrezikun e transmetimit të sëmundjes për 10 për qind.

Theksohet se në kuadër të studimit, të dhënat nga infeksioni në vende të ndryshme dhe me numër të ndryshëm të kontakteve janë kontrolluar, por në kushte të të ashtuquajturave “mbyllje”, kur familjarët ishin të detyruar të kalonin më shumë kohë së bashku për shkak të vetizolimit.

error: Content is protected !!