Spasovski: Duhet të mësohemi të gjithë të jetojmë me pandeminë, sepse ky virus nuk do të largohet lehtë!

Kryeministri Oliver Spasovski, pas mbledhjes së Këshillit për Siguri te presidenti Stevo Pendarovski  tha se vazhdimi i gjendjes së jashtëzakonshme është marrë për të mbrojtur shëndetin e qytetarëve dhe përballjen me pasojat ekonomike të shkaktuara nga Kovid-19.

 “Qëllimi kryesor dhe primar i Qeverisë është shëndeti i qytetarëve. Duhet të përballemi edhe me pasojat ekonomike dhe në këto momente derisa po flasim një nga momentet për të kërkuar 14 ditë vazhdimin e gjendjes së jashtëzakonshme është edhe aspekti ekonomik. Që të mund më lehtë të përballojmë këto pasoja të shkaktuara nga Kovid-19”, tha Spasovski. Ai u porositi qytetarëve se duhet të mësohemi të gjithë të jetojmë me pandeminë, sepse ky virus nuk do të largohet lehtë.