Një shtëpi të moshuarish në Spanjë u përfshi nga zjarri, duke i marrë jetën një gruaje 89-vjeçare dhe 18 persona të tjerë mbetën të lënduar.
Sipas zjarrfikësve, zjarri ka shpërthyer në katin e tretë të shtëpisë së të moshuarve në Spanjën jugore.
“Një operacion urgjent u krye në shtëpinë e të moshuarve, ku një grua 89-vjeçare vdiq dhe 18 njerëz u dërguan në spital,” thanë autoritetet e Seviljes në një shënim në Twitter.
Të moshuarit që mbetën pa strehë, përkohësisht u morën nga familje që jetonin afër shtëpisë së të moshuarve.
Autoritete thonë se shkaqet e zjarrit po hetohen.