Në Gjykatën Penale në Shkup në lidhje me aksidentin në fshatin Llaskarcë u morr në pyetje eksperti Lupço Postollov, pjesë e ekipit i cili e përgatiti superekspertizën për aksidentin në të cilin humbën jetën 16 persona dhe rreth 30 ishin lënduar, përcjell TV21. Avokati Lupço Micevski, avokat i të akuzuarit të gjashtë – shoferit të autobusit, sot vazhdoi ta marrë në pyetje ekspertin Postollov.
Tha se disa herë e kanë theksuar se nga shoferi i autobusit nuk ka pasur kurrfarë reagimi në timon. Në lidhje me atë se timoni pas aksidentit është gjetur i kthyer djathtas, u përgjigj se në pozitën fundit timoni është në gjendje të deformuar. I pyetur nëse sistemi ABS i këtij autobusi ishte në rregull në ditën e aksidentit, ai u përgjigj jo. “Në bazë të vëzhgimeve makinerike, sistemi ABS nuk ishte në rregull, gjegjësisht ishte prerë teli që ka lidhje me pajisjet”, u tha ai.