Sindikata me padi për Ministrinë e Kulturës, Llazovski: Punojmë për zgjidhjen e problemit

Ministria e kulturës sipas Sindikatës vazhdimisht kërkon mënyra për të prolonguar Marrëveshjen kolektive e cila u cilësua si hap historik në këtë sferë. Nga atje thonë se edhe përkundër afatit prej 6 muajve, takimeve të panumërta dhe presioneve, ende nuk kanë asnjë informacion çfarë do të ndodh me pagat e të punësuarve në kulturë, e as nuk u paguhen të njëjtat.

“Shohim se Ministria nuk përgjigjet, e as atje në ministri askush nuk merr përgjegjësi për situatën e cila është serioze për shkak se me prolongimin e pagave ndërpritet edhe sigurimi shëndetësor i mbi 3000 personave, në kohë pandemie. Andaj Sindikata planifikon padinë që të zbatojmë në realitet për shkak se me këtë situatë tashmë kemi shkelje të marrëveshjes kolektive ku Ministria e kulturës është e obliguar që deri më datën dhjetë të muajit të paguajë pagën e muajit paraprak. Këshilli i SPKM vendos për ngritjen e padisë, që do të thotë sa të sillet ai vendim në këshill, i njëjti do të zbatohet”, tha Goce Pavllovski, Sekretar i SPKM-së.

Tv21 arriti të kontaktojë me zv.ministrin e kulturës, Vlladimir Llazovski i cili tha se prolongimi i pagave ndodh për shkak të krizës së shkaktuar nga Kovid-19.

“Punojmë në këtë problem që të debllokojmë të gjithë punët dhe se u përballëm me pandeminë, thjeshtë financat janë në pyetje. Po, kjo do të jetë menjëherë pas emërimit të ministres së re”, u shpreh Vlladimir Llazovski, zv/ministër i Kulturës.

Sipas Marrëveshjes kolektive, punëtorët e kulturës duhej të merrnin paga të rritura deri më 10 gusht dhe të njëjtat duhej të llogariten vetëm sipas marrëveshjes së re për shkak se çdo marrëveshje tjetër me institucionet kulturore suspendohet me hyrjen në fuqi të kësaj marrëveshje. Nga Sindikata e punëtorëve të kulturës e përshëndesin përzgjedhjen e ministres së re Irena Stefoska, duke shpresuar se në të ardhmen gjendja do të përmirësohet në mënyrë drastike.