Presidentja Gordana Siljanovska-Davkova, gjatë pjesëmarrjes në Forumit të Tetë të Paqes në Paris, u drejtua në një seancë të dedikuar të rinjve dhe perspektivës evropiane të Ballkanit, ku theksoi se bashkëpunimi rajonal dhe dialogu janë çelësi për të ardhmen e rajonit. Ajo theksoi se eurointegrimi nuk mund të jetë diktat, por dialog, dhe se stabiliteti i rajonit varet nga mirëkuptimi i ndërsjellë dhe perspektiva evropiane.
“Bashkëpunimi rajonal për mua është jashtëzakonisht i rëndësishëm. Nuk mund të ikim nga rajoni, ai është fati ynë; kjo vlen jo vetëm për ne që ende presim të bëhemi kandidatë ose për ato shtete që po përfundojnë negociatat me BE-në, por edhe për ata që tashmë janë në BE dhe i përkasin rajonit tonë. Në fund, unë bëra thirrje për dialog, sepse për mua eurointegrimi nuk mund të jetë diktat, por dialog; u referova tek perspektiva nga jashtë, nga profesori Joseph Weiler, që edhe ata që nuk janë në BE sigurisht kanë çfarë të thonë për të ardhmen e Evropës dhe ndoshta është mirë të dëgjohen”, tha Gordana Siljanovska-Davkova.