Si përfitojnë amerikanët e pasur nga pandemia?

Ndërsa 26 milion amerikanë humbën punën e tyre, miliarderët në Shtetet e Bashkuara shtuan 308 miliardë dollarë në pasuritë e tyre.

Dihet thënia, “Mos lejoni që një krizë e mirë të shkojë kot”. Dhe ndërsa pandemia e koronavirusit ka pushtuar botën, një për qind e amerikanëve më të pasur kanë përfituar nga kjo thënie e vjetër.

Disa nga njerëzit më të pasur në SHBA qëndruan të parët kur qeveria shpërndau miliarda dollarë për të mbështetur ekonominë, e cila është bllokuar nga pandemia e koronavirusit. Në të njëjtën kohë, miliarderët shtuan 308 miliardë dollarë në llogarinë e tyre në katër javë, edhe pse 26 milionë njerëz humbën punën e tyre gjatë asaj periudhe.

Midis 18 dhe 22 prillit, pasuria e amerikanëve të pasur u rrit 10.5 për qind, sipas një raporti të ri të Institutit për Studime të Politikave. Sidoqoftë, pas recesionit të fundit, u deshën dy vjet që prona e miliarderëve të kthehej në nivelet e vitit 2007.

Tetë miliarderë vunë re që pasuritë e tyre janë  rritur me më shumë se 1 miliard dollarë, duke përfshirë shefin e “Amazon” Xhef Bezos dhe ish bashkëshorten e tij Makenzi Bezos, themeluesin e “Zum” Erik Juan, ish shefin e “Microsoft” Stiv Ballmer dhe pronarin e “Tesla” she “SpaceX” Ilon Mask.

Derdhja prej 1 miliardë dollarësh vjen nga “lundrimi i një flote të tërë biznesi të madh drejt milionerëve dhe miliarderëve, përmes boshllëqeve në rregulloret për ndihma,  me vlerë prej  349 miliardë dollarësh, për të shpëtuar bizneset e vogla të goditura fort. Përkatësisht, rreth 150 ndërmarrje publike arritën të “sekuestrojnë” më shumë se 600 milion dollarë në kredi të pakthyeshme, përpara se fondet të zhdukeshin.

Bankat, të cilat ishin përfituesit më të mëdhenj të parave të ndihmës gjatë recesionit të fundit, gjithashtu kaluan  mirë, duke marrë 10 miliardë kredi qeveritare, sipas një analize nga Radio Publike Kombëtare.

“Kokë” ne fitojmë, “pil”ju humbni,” tha Çak Kollins, drejtor i programit të pabarazisë dhe mallrave të përgjithshme në Institutin për Studime të Politikave dhe bashkëautor i raportit të ri. Ai shtoi se pandemia më tej tregoi dobësitë e politikës amerikane, e cila ka zgjeruar hendekun midis vërtetë të pasurve dhe pjesës tjetër gjatë dekadave.

Kolins shprehet se “rregullat ekonomike janë në favor të pronarëve të kapitalit dhe kundër të gjithë të tjerëve”.

Përkatësisht, deri në vitin 2016, shtatë vjet pas përfundimit të recesionit të fundit, 90 për qind e familjeve më të varfëra në Shtetet e Bashkuara nuk kishin qëndruar ende “në këmbët e tyre” nga kriza, ndërsa ato 10 për qind në krye ishin më të pasura se në vitin 2007./MIA/Gardian