Shumë pak presin ndryshim, qytetarët të dëshpëruar nga rezultati i zgjedhjeve

Ku dhe cila parti do të ulet në Kuvend tashmë dihet. Por edhe pse të gjitha partitë janë shprehur të kënaqur me rezultatin, të paktën janë qytetarët që e kanë të njëjtin qëndrim.

Shumica e qytetarëve të anketuar ishin të pakënaqur dhe nuk prisnin ndryshime.

“…. Çfarë të them, katastrofë. Jo.
Jeni të zhgënjyer?
Plotësisht, nga ky popull i yni.
Nga zgjedhja? Në përgjithësi”, tha një qytetar.

“Ska nevojë asgjë të pyesni. Se me zgjedhjet, unë i kam 70 vjet dhe më ka ardhur deri këtu (deri në hundë). S’ka nevojë asgjë të më pyesni”
A prisni ndonjë ndryshim?
“Kurrë s’do të ketë. Deshtëm ndryshim para katër vjetësh. Prapë njëjtë. Asgjë s’do të ketë”, tha një tjetër.

Të dëshpëruar ishin edhe të rinjtë.

“Asgjë nuk ka, rri rehat. Asgjë nuk bëhet këtu. Të gjitha janë pallavra”, tha një i ri.

“Hiç nuk presim…”
Jeni të dëshpëruar?
“Po…”, tha një tjetër.

“Nuk ka shpresë. Më mirë krejt rinia të ikin jashtë, s’ka hajër këtu o vëllezër”.

Por shumica e tyre heshtnin.

Se çfarë pesin nga Qeveria. Dikush paga dhe ndihmë sociale më të lartë, e të tjerët vende të punës për të rinjtë.

“Të jetë më mirë. Të ketë paga më të mira, të rritet ndihma sociale, të kenë punë të rinjtë. Ajo…”, tha një grua e moshuar.

“Cila parti? Ajo parti që lufton për Maqedoninë. Tjetër, asnjë parti nuk dua”, tha ky qytetar.

E të paktë ishin qytetarët që mendonin se mund të ketë ndryshime.

“Po, presim ndryshime më të mëdha. InshAllah për më mirë”
Kush mendoni se do të jetë në Qeveri?
“Kush është më i miri, nuk dihet”.

A do të ketë ndryshim?
“Po, do të ketë”.

“Mendojmë se do të ketë ndryshim. Mendoj se do të bëhet më mirë… unë jam i punësuar, por shpresoj se për rininë do të bëhet më shumë”.

Derisa të moshuarit dhe të rinjtë po shprehin qëndrimet e tyre, fëmijët freskoheshin në fontanën në qendër të Shkupit.

Përndryshe nga zgjedhjet e fundit koalicioni “Mundemi” fitoi 46 ulëse në Kuvend, VMRO-DPMNE 44 ulëse, BDI 15 ulëse, kurse koalicioni “Tash është koha” 12 deputetë. Dy deputetë ka fituar “E majta” kurse PDSH një deputet.