Prej sot në ora 11 në territorin e tërë shtetit fillon karantina 42 orëshe me qëllim pengimin e përhapjes dhe ballafaqimin me pandeminë të Kovid-19. Ndalesa për lëvizje do të zgjatë deri të martën në ora 05:00.
Numri i përgjithshëm i pacientëve të diagnostikuar në vend u rrit në 1.941, pasi gjatë 24 orëve të kaluara janë konfirmuar 20 raste të reja të Kovid-19.
Vendimin për kufizimin e rritur për lëvizje të qytetarëve, respektivisht ora policore të zgjatë prej sot në ora 11 deri të martën në ora 05:00, Qeveria e mori në seancën e 56-të, edhe pse paraprakisht Komisioni për sëmundje infektive parashtroi propozim që ora policore të zgjatë prej të shtunës në ora 19:00 deri të martën në ora 05:00.
Për kanakarët mbesin terminet e vendosura edhe gjatë kësaj fundjave të vazhduar
Për kanakarët mbesin terminet e vendosura edhe gjatë kësaj fundjave të vazhduar, kumtuan dje nga Qeveria, pas seancës së 56-të të mbajtur.
Qytetarët, në periudhën kur vlen ndalesa për lëvizje, kanakarët e tyre do të mund t’i nxjerrin në mëngjes nga ora 08:00 deri në orën 08:30, më pas pasdite nga ora 15:00 deri në orën 15:30, si dhe në mbrëmje nga ora 20:00 deri në orën 20:30, deri në 100 metra largësi nga vendbanimi dhe me zbatimin e masave për mbrojtje personale, informojnë nga Qeveria.
Transporti publik në Shkup nuk do të funksionojë nga e diela në orën 11 deri të martën në orën 05
NQP Shkup kumtoi se prej nesër, e diel (24.05.2020) nga ora 11:00 e deri të martën (26.05.2020) në orën 05:00, transporti publik nuk do të funksionojë.
Ndërprerja e përkohshme e qarkullimit të autobusëve të NQP Shkup dhe transportuesit privatë është në pajtim me vendimin e Qeverisë për ndalesë të lëvizjes së popullatës në periudhën e theksuar.
Të dielën të gjithë autobusët do të qarkullojnë sipas itinerarit të së dielës nga ora 05:00 deri në orën 11:00. Nesër nuk do të ketë vende kujdestare për shitjen e biletave dhe qendra për personalizim.
Njëzet raste të reja të të infektuarve me Kovid-19, një ka vdekur, ndërsa 24 janë shëruar
Njëzet raste të reja me Kovid-19 janë konfirmuar gjatë 24 orëve të kaluara, me çka numri i përgjithshëm i pacientëve të diagnostikuar në vend u rrit në 1.941. Nga rastet e reja, 16 janë në Shkup dhe nga dy në Kumanovë dhe Prilep.
Instituti për shëndet publik sot regjistroi 24 pacientë të shëruar në: Shkup – 4, Kumanovë – 3, Prilep – 5, Tetovë – 6, Veles – 4 dhe Manastir – 2.
Në SPQ “8 Shtatori” ka vdekur një pacient nga Shkupi (63), i pranuar në spital më 6 maj si i dyshimtë me Kovid, rezultoi pozitiv një ditë më vonë.
Gjatë 24 orëve të kaluara janë bërë 744 testime, prej të cilave 355 janë në kuadër të skriningut. Deri tani me skrining janë bërë 2.060 testime në Kovid-19, ndërsa janë regjistruar vetëm dy raste pozitive të të punësuarve në kopshtet për fëmijë në Manastir dhe Shkup. Të gjitha rezultatet tjera janë negative.
Nga fillimi i epidemisë janë shëruar 1.411 pacientë, kanë vdekur 113, ndërsa në këtë moment numri i rasteve aktive në vend është 417./MIA