Shteti do të paguaj 100 euro në ditë për pacient! “Malla Bogorodica” e Kamçevit Covid qendër e re

Filloi që të pajiset me mjete mjekësore qendra e re kovid e vendosur në ish spitalin Malla Bogorodica – Sistina. Për momentin po përgatitet edhe dokumentacioni teknik për stacionin për oksigjen, që do të vendoset jashtë objektit, me qëllim që të shërbehen me oksigjen pacientët që do të hospitalizohen, shpjegon drejtorja e repartit infektiv pranë Spitalit ushtarak, Kallamaras, e cila njëkohësisht punon edhe në Sistina.

 “Objekti i ri kovid do të jetë një lloj partneriteti publiko privat në shëndetësi, do të marrin pjesë spitalet më të mëdha private, Sistina, Zhan Mitrev dhe Remedika. Tashmë në vijim është formimi i trupit koordinues nga Ministria e Shëndetësisë dhe që në mënyrë praktike do të ketë rol kyç në vendosjen për pranimin e pacientëve, për terapinë e tyre, ndërsa ne si spitale private do të marrim pjesë me kuadro, me pajisje komplete, ushqim, ilaçe dhe materiale mbrojtëse”, theksoi Patricija Kallamaras – mjeke.

Sipas informacioneve nga Acibadem Sistina, kapaciteti i “Malla Bogorodica” është 100 shtretër, ndërsa përveç hapësirës, në dispozicion do të vendosen edhe pajisjet dhe kuadro mjekësor. Çmimi të cilin shteti do ua paguajë spitaleve private për këtë qëllim, sipas çmimores së caktuar nga FSSH është 100 euro në ditë për pacient, edhe pse, siç thonë nga Sistina, shpenzimet për këtë janë mjaft të larta.

 “Deri më tani nuk është kristalizuar mirë vendimi, parimisht do të pranohen pacientë me gjendje të lehtë dhe mesatare. Gjithçka që do të jetë me pasqyrë të rëndë klinike me shumë gjasa do të hospitalizohen në spitalin 8 Shtatori dhe në Klinikën për sëmundje ngjitëse”, u shpreh Paricija Kallamaras – mjeke.

Në këtë kovid qendër do të punojnë 5 mjek, 30 motra medicinale, 8 ndihmës dhe kuadro tjetër mjekësor. Pjesën më të madhe të personelit do ta sigurojnë Acibadem Sistina dhe Zhan Mitrev, ndërsa dy mjek do të emërojë Ministria e shëndetësisë.