Shpërthimi i tretë në Kabul/VIDEO

Ndërsa ende nuk janë numëruar tërësisht viktimat e të plagosurit nga dy sulmet e para kamikaze, në Kabul raportohet të ketë ndodhur një shpërthim i tretë. Nuk dihet ende vendi i saktë se ku ka ndodhur shpërthimi në kryeqytetin afgan apo nëse ka lidhje me dy të parët.

Ndërkohë, në një deklaratë për mediat, zyrtarët e Pentagonit në SHBA u shprehën se presin që grupi militant ISIS të kryejë sulme të tjera terroriste.

Gjenerali Kenneth “Frank” McKenzie, kreu i Komandës Qendrore të SHBA, tha se ndërsa vazhdojnë të hetojnë autorët e sulmit të sotëm, janë të fokusuar edhe në “rrjedhat e tjera të kërcënimeve jashtëzakonisht aktive” në aeroport.

“Por tani për tani fokusi ynë është tek rrjedhat e tjera aktive të kërcënimeve. Rrjedha kërcënimesh jashtëzakonisht aktive kundër aeroportit, ne duam të sigurohemi që po ndërmarrim hapat për të mbrojtur veten. Ne po fokusohemi në këtë çështje.

Gjenerali shpjegoi sulmet e mëtejshme mund të jenë të pashmangshme dhe se mund të ndodhin në çdo moment.

Sipas tij, sulmet e radhës mund të jenë me raketa, automjete apo edhe kamikaze.